Ысык-Көлдө эки тоо текени атып өлтүрүшкөн браконьерлер кармалды. Бул тууралуу NABU жаратылышты коргоо уюмунун Кыргызстандагы бөлүмүнөн кабарлашты.
Алардын айтымында, Ысык-Көл облусунда браконьерликке каршы рейддердин жүрүшүндө Нарын районунун тургундары кармалган. Алар атылган эки тоо текенин бирин жиликтеп, бирин союп жатышкан жеринен колго түшүшкөн.
Бул фактынын негизинде жаратылышты коргоо мыйзамы бузулгандыгы тууралуу акт түзүлүп, бардык материалдар Ысык-Көл облусунун Тоң районунун укук коргоо органдарына өткөрүлүп берилген.
Белгилей салсак, бир тоо текени мыйзамсыз аткан адамдарга 100 миң сом айып пул салынат.
КОММЕНТАРИЙ КАЛТЫРУУ