УКМКнын төрагасынын мурунку орун басары Болот Сүйүмбаевге алтын контрабандасы боюнча кылмыш иши козголуп жатат. Бул тууралуу жергиликтүү ММКлар өздүк булактарга таянып жазып чыгышты.
Маалыматка ылайык, мурунку аткаминерди суракка чакырышкан, бирок ал келген эмес. Азыр тергөө иштери тергөө амалдарын жүргүзүү үчүн УКМКнын төрагасынын мурдагы орун басарын издеп жатат.
Эскерте кетсек, буга чейин алтын аткезчилиги боюнча кылмыш иши козголуп, УКМК АКСтин мурдагы кызматкери кармалган. Мындан тышкары, Коррупцияга каршы күрөшүү кызматынын экс-башчысы Дүйшөнбек Чоткараев дагы бул ишке катыштыгы бар. Азырынча ал күбө катары суракка алынды.
2019-жылдын март айында Аскер прокуратурасы Улуттук коопсуздук мамлекеттик комитетинин кызматкерлери менен макулдашып, жеке жеткирүүчүлөр тарабынан зер буюмдардын аткезчилигине байланыштуу бир нече кылмыш ишин иликтей баштады. 2017-жылы департаменттин ыкчам бөлүмдөрүнүн бири тарабынан өлкөгө аткезчилик жол менен ташылып келген 22 килограмм алтын зергер буюмдары кармалган. Андан кийин УКМКнын жетекчилиги мыйзамсыз тергөө алдындагы текшерүүнү токтотуп, алынган продукцияны кайтарып берүүнү буйруду. Аткезчилик менен ташып келген жөнөтүүчүлөр жоопко тартылды.
КОММЕНТАРИЙ КАЛТЫРУУ