Мамлекеттик бажы кызматынын кызматкерлери аткезчилик жол менен ташылып келинген эки автоунааны кармашты. Бул тууралуу бүгүн, 11-декабрда КР Бажы кызматынын басма сөз кызматы билдирди.
Маалыматка караганда, ЕАЭБтин бажы аймагына товарларды жана транспорт каражаттарын мыйзамсыз ташып кирүү фактыларын табуу жана аларга бөгөт коюу боюнча жүргүзүлгөн ыкчам иш-чаранын жыйынтыгында, “Түштүк-Батыш” бажысынын кызматкерлери ЕАЭБтин бажы аймагына мыйзамсыз ташылып келинген төмөнкү автоунааларды кармашкан:
-«RENAULT PREMIUM»
-«DAF FA95.430»
Мамлекетке келтирилген жалпы зыяндын көлөмү 3 миллион 700 миң сомду түзөт.
Бул факт Кылмыштардын жана жоруктардын бирдиктүү реестрине катталып, материалдар тергөөгө караштуулугу боюнча өткөрүлүп берилген.
КОММЕНТАРИЙ КАЛТЫРУУ