Дүйнө кубогунун 60 килограммдык салмак даражасынын чемпиону болгон Жоламан Шаршенбековду туугандары, достору жана күйөрмандары аэропорттон “Жоламан чемпион!” деген кыйкырык менен тосуп алышты.
Балбан жигитти жеңиши менен куттукташып, мындан дагы чоң бийиктикке жетерине ишене тургандарын айтышты.
Жоламандын Рыскул деген аяш атасы балбанга батир белек кылды. “Биздин айылыбызды, биздин Кыргызстаныбызди дүйнө жүзүнө таанытты”, – деди ал.
Белгилей кетсек, Жоламан Шаршенбеков финалдык беттеште россиялык Степан Марянян менен күрөшкөн. Беттеш 4:4 эсебинде аяктап, акыркы аракетти жасаган артыкчылыгы үчүн Жоламанга жеңиш ыйгарылган.
КОММЕНТАРИЙ КАЛТЫРУУ