Бүгүн Бишкекте активисттердин “Мыйзамдуулук үчүн”  тынчтык жөө жүрүшү өтүүдө

Бүгүн, 20-декабрда Бишкекте активисттердин “Мыйзамдуулук үчүн”  тынчтык жөө жүрүшү өтүүдө. Жөө жүрүшкө 50дөй адам катышууда.

Алар азыркы бийлик ушундай жол менен Кыргызстанда авторитаризм орнотууну көздөп жатышат деп эсептеп, референдумду өткөрүүгө каршы.

Жөө жүрүш учурунда катышуучулардын негизги ураандары: “Референдумга жол жок!”, “Кыргызстан – светтик өлкө”, “Бийликти узурпациялоого жол жок”.

Темир жол бекетинин жанына чогулгандар Баш мыйзамды өзгөртүүгө каршы ураан-чакырыктар менен “Ала-Тоо” аянтына келишти.

Белгилей кетсек, тынчтык жөө жүрүшү апта сайын, ар жекшембиде өтүүдө.