Парламенттин депутаты Кубанычбек Жумалиевден акча талап кылгандыгы үчүн кармалган адам өзүн Садыр Жапаровдун жардамчысы катары көрсөткөн. Бул тууралуу журналисттерге Кубанычбек Жумалиевдин адвокаты Бактыбек Жумашев билдирген.
Такталгандай, Кубанычбек Жумалиев 5-декабрда милицияга кайрылган. Финполдогу сотко чейинки өндүрүштү токтотуу үчүн үч жума бою андан акча талап кылган белгисиз адамга чара көрүүнү суранган.
Бул факты Кылмыштардын жана жоруктардын бирдиктүү реестрине «Опузалоо» беренеси боюнча катталды. Милиция кызматкерлери тарабынан 24 жаштагы А.Т. аттуу жаран кармалган. Ал жаран убактылуу кармоочу жайга киргизилди. Айрым маалыматтарга караганда, А.Т. эч жерде иштебейт.
КОММЕНТАРИЙ КАЛТЫРУУ