Парламенттин депутаты Кубанычбек Жумалиевден акча талап кылуу фактысы боюнча кармалган адам Мамлекеттик экономикалык кылмыштарга каршы күрөшүү кызматы менен эч кандай байланышы жок. Бул тууралуу Бишкек ШИИББнин басма сөз кызматы билдирет.
Такталгандай, Кубанычбек Жумалиев 5-декабрда баш калаанын Биринчи Май райондук ички иштер башкармалыгына кайрылган. Ал Экономикалык кылмыштарга каршы күрөшүү боюнча мамлекеттик кызматы тарабынан тергөө амалдарынын токтотулушу үчүн андан 20 миң доллар талап кылган белгисиз А.га карата чара көрүүнү суранган.
Аталган факт КЖБРге КР Кылмыш-жаза кодексинин “Пара талап кылуу” беренеси боюнча катталды.
20-декабрда, тергөө иш-чараларынын жүрүшүндө, 24 жаштагы Т.А., 2 миң доллар пара алып жаткан жеринен криминалдык милиция кызматкерлери тарабынан кармалган. Сурак берип жаткан шектүү Бишкек шаарында апасы менен жашай турганын жана убактылуу эч жерде иштебей турганын айткан. Ал бул кылмышты каржылык кыйынчылыктардан улам жасаган.
Учурда кармалган жарандын ушул сыяктуу кылмыштардын башка фактыларына тиешеси барбы жокпу текшерилүүдө.
КОММЕНТАРИЙ КАЛТЫРУУ