Бүгүн, 25-декабрда Саламаттыкты сактоо министрлигинин имаратында онкологиялык илдетке кабылган бейтаптардын митинги өттү. Бул тууралуу журналисттерге митингдин катышуучуларынын бири билдирди.
Буга чейин, бейтаптар 9-декабрда дагы аткаминерлердин көңүлүн көйгөйүнө буруу үчүн нааразычылык митингин өткөрүшкөн.
«Биз аткаминерлерге онкологиядагы абал, химиотерапия жана дарылануу мүмкүн эместиги жөнүндө айтып бергенбиз. Дарылоо курсу үзгүлтүккө учурайт. Дары-дармектер өтө кымбат, кээде сапатсыз. Адамдардын өлүмү эмнеден улам келип чыкканы белгисиз. Же оорудан же дары-дармектердин терс таасирлеринен. Бул суроо абдан маанилүү. Андан кийин Саламаттыкты сактоо министри бизге келип, биздин көйгөйлөрдү карай турган атайын комиссия түзүүнү убада кылган, бирок бүгүн, 25-декабрь болуп калды. Эч нерсе чечилген жок, комиссия дагы түзүлгөн жок», – деди ал.
Ошондой эле, анын айтымында, бүгүн Саламаттыкты сактоо министринин орун басары Мадамин Каратаев митингдин катышуучуларынын алдына чыгып, комиссия түзүүнү убада кылды.
КОММЕНТАРИЙ КАЛТЫРУУ