2016-жылдын 30-сентябрынан 3-октябрга чейин мезгил-мезгили менен жаан жаап, күн күркүрөшү, тоолуу райондордо кар жаашы, кээ бир райондордо жаан-чачын катуу жаашы күтүлөт. Айрым жерлерде батыштан соккон шамалдын ылдамдыгы секундасына 18-23 метрге жетет. Абанын күндүзгү температурасы Чүй, Талас өрөөндөрүндө 13…18° жылуулукка чейин, Ош, Жалал-Абад, Баткен облустарынын өрөөндөрүндө 17…22°, Ысык-Көл, Нарын облустарынын дыйканчылык аймактарында жана тоо этектеринде 11…16° жылуулукка чейин, тоолуу райондордо 0…5° суукка чейин төмөндөйт. Бул тууралуу КР ӨКМнин басма сөз кызматы билдирди.
Мындай туруксуз аба ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда малды кармоону кыйындатат.
Шашылыш билдирүүнүн негизинде адамдардын өлүмүнө жеткирбөө жана материалдык чыгымдарды азайтуу максатында, 2016-жылдын 27-сентябрында КР ӨКМи тарабынан телефонограмма чыгарылып, тийиштүү Жарандык коргонуу кызматтарына, КР Өкмөтүнүн облустардагы ыйгарым укуктуу өкүлдөрүнө, Бишкек жана Ош шаарларынын мэрлерине жеткирилди жана уюлдук операторлор аркылуу элге СМС билдирүүлөр жөнөтүлдү.
КОММЕНТАРИЙ КАЛТЫРУУ