Menu

Видео – Эл аралык уюм кыйноого кабылган тажикстандыктын мекенине кайтуусуна жардам берет

Бөлүшүү:

Миграция боюнча эл аралык уюмдун Тажикстандагы өкүлчүлүгү Шамсия Асаналишоеванын Сауд Арабиясынан мекенине кайтып келишине жардам берүүгө даяр. Бул тууралуу уюмдун кызматкери Гүлчехра Иброхимова билдирди.

«Эгер ал бизге кайрылса сөзсүз жардам беребиз. Биз Миграция боюнча эл аралык уюм Шамсиянын үйүнө кайтып келишине жардам бере тургандыгы жөнүндө расмий кат даярдап койдук. Биз четте байкоочу бойдон калбайбыз», – деди ал.

Азырынча Тажикстандын Тышкы иштер министрлиги Асаналишоеванын өтүнүчү боюнча расмий комментарий бере элек. Бирок айрым маалыматтарга караганда, өлкөнүн Сауд Арабиясындагы элчилиги бул маселени карай баштады.

Тажикстандын жараны, Бадахшан телеканалынын мурдагы журналисти Шамсия Асаналишоева Сауд Арабиядагы жумуш берүүчүнүн үйүндө кыйноолорго кабылып, сабалганын билдирген.

Учурда ал Жидда шаарындагы ишке орноштуруу уюмунун кеңсесинде. Асаналишоеванын айтымында, ал тааныштары аркылуу Тажикстандын ИИМи менен Башкы прокуратурасынан жардам сураган. «Азыр мен Тажикстандын Сауд Арабиясындагы консулун күтүп жатам. Анын жардамы менен мекениме кайтып барам деген үмүттөмүн», – деди ал.

Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 3 + 5 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: