Ташкент юридикалык колледжинин студенти Саидкамрон Саидвохидов бычак менен эки курсташына кол салууга айыпталып кармалды. Жаракат алган студенттердин бири каза болуп, экинчиси аман калган.
Окуу жайдын студенттеринин биринин айтымында, милиция кызматкерлери Саидкамрон Саидвохидов жашырынып отурган үйгө барышканда, өспүрүм өз венасын кесүүгө аракет кылган:
– Бычак менен курсташтарына кол салгандан кийин Саидкамрон досунун үйүнө жашырынып калган. Ал «Лирика» аттуу маңзатынын таасири менен кол салууга барган. Милиция аны тапкан маалда ал соолугуп калган. Эсине келген өспүрүм кылган кылмышына таң калып, өз венасын кесип салууга барды. Бирок анын колу таңылып, андан соң камакка алынды, – деди ал.
Кол салуудан каза болгон студент Асадбек Парпибоевдин туугандары билдиришкендей, экспертиза анын канынан баңгизат тапкан эмес.
Бул факты боюнча «атайылап адам өлүмүнө алып келген жаракат келтирүү» беренеси боюнча кылмыш иши козголуп, тергөө жүрүүдө.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ