«Аалам сулуусу – 2018» дүйнөдөгү белдүү деген сынактардын катарында турат. 1952-жылдан берип уюштурулуп келет. Ал тургай ага 1996-2015-жылдары АКШнын азыркы президенти Дональд Трамп ээлик кылып келген делет. Бул таймашка 95 мамлекеттин чүрөктөрү аттанышты. Алардын арасында «Кыргызстан сулуусу – 2017» мелдешинин жеңүүчүсү Бегимай Карыбекова да бар. Финалы 17-декабрда өтөт. Жеңүүчү ак алтындан жасалып, сапфир менен бриллиант чөгөрүлгөн таажыга ээ болот. Башка артыкчылыктар да каралган. Учурда, Бангкокто (Таиланд) «Аалам сулуусу – 2018» сынагында ат салышчулардын кароосу башталган. Ага кыргызстандык сулуу алгач ирет катышууда.
Айтмакчы, былтыр аталган сынакты Түштүк Африканын жараны Деми-Ли Нель-Петерс утуп алган.
Булак: «Айгай-пресс»
КОММЕНТАРИЙ КАЛТЫРУУ