Улуттук ооруканага митингден жабыркаган жаш кыз кайрылды. Бул тууралуу Саламаттыкты сактоо министрлигинин басма сөз кызматы билдирди.
Алардын айтымында, кыз көкүрөгүнөн жаракат алган. Анын абалы туруктуу. Учурда ал оорукананын торакалдык хирургия бөлүмүнө жаткырылган.
Саламаттыкты сактоо министрлиги ооруканага кайрылган кыз резиналык октон жараат алганын кошумчалаган.
Кечке жуук Садыр Жапаровдун боштондугун талап кылган эл ак үйдү көздөй бет алып, милиция кызматкерлерин таш бараңга алышкан. Алардын астынан милициянын кызматкерлери чыгып, атайын тарсылдак, куру дүрмөт гранаталарды ыргытып, элди кууп таркатышкан.
Эскерте кетсек, бүгүн Ала-Тоо аянтына өлкөнүн ар кайсы аймагынан келген эл митингге чыгышкан. Митингдин эң башкы талабы – саясатчы Садыр Жапаровду абактан бошотуу.
Булак: «KyrgyzToday»
КОММЕНТАРИЙ КАЛТЫРУУ