Акыркы жылдары Билл Гейтс өзүнүн ишмердүүлүгү санитария жаатында жаңы технологияларды иштеп чыгууга багытталган өзүнүн изилдөө фондусуна көбүрөөк көңүл буруп келет. Илимпоздордун жана инженерлердин акыркы жетишкендиги бул уникалдуу даараткана болду, ага негизинен канализация жана суу зарыл эмес.
Жок, бул Билл сунуш кылган даараткана эмес. Ал булар менен күрөшүүгө ниеттенүүдө.
Майкрософт корпорациясынын негиздөөчүлөрүнүн бири Билл Гейтс акыркы жылдары санитарияга аябай кызыгып келет. Анын компаниялары бул жаатта бир нече жолу кызыктуу долбоорлоду сунуштап, иштеп чыгышкан. Негизинен бул олуттуу көйгөйлөргө туш болгон өлкөлөргө арналган (мисалы, бир катар Африка жана Азия мамлекеттери үчүн). Билл Гейтс Кытайда сууну талап кылбаган даараткананын презентациясын өткөрдү. Бул деген даараткананы канализацияга туташтыруунун кажети жок экенин билдирет.
Заманбап үлгүдөгү дааратканада адамдын заңы менен зарасын атайын капсулада калтырып, андан кийин химиялык реагенттерди колдонуп, аны айыл чарбасында жер семирткич катары колдонуу үчүн кайра иштетүү процессин баштайт. Бул долбоорлорду иштеп чыгуу үчүн өндүрүшчүлөрдүн тобуна жылдарды талап кылынган. Эми ал рынокко чыгууга толук даяр.
Билл Гейтс дааратканын бул түрү жакынкы он жылдыктарда дүйнөдөгү бардык үй-бүлөлөрдү “басып алат” деп ишенет. Илимдин жана техниканын жетишкендиктеринин натыйжасында, ири көлөмдөгү агынды сууларды тазалоочу жайлар керексиз болуп калышы мүмкүн.
Белгилей кетсек, Билл Гейтс кайрымдуулук фондунун негиздөөчүсү (жубайы Мелинда менен бирге). Акыркы 7 жылда бул фонд 200 миллионго жакын долларды илимий долбоорлорго жумшаган, алардын көпчүлүгү зара менен заңды отунга жана жер семирткичке айландыруу мүмкүнчүлүктөрүн изилдөөгө багытталган. Фонддун адистеринин эсептөөсү боюнча, санитариянын начардыгы жыл сайын жарым миллиондой баланын (5 жашка чейинки) өлүмүнө алып келет, ошондой эле дүйнөлүк экономиканы жылына 233 миллиард доллар өлчөмүндө кошумча каржылык чыгымдарга алып барат.
КОММЕНТАРИЙ КАЛТЫРУУ