КРнын Өкмөтүнүн Аппарат Жетекчиси – Министр Бактыбек Аманбаев балдарды Жаңы жыл майрамы менен куттуктап, аларга КРнын Өкмөтүнүн атынан планшеттер түрүндө белектерди тапшырды. Бул тууралуу бүгүн, 30-декабрда өкмөттүн басма сөз кызматы билдирет.
Белгилесек, Кыргыз Республикасынын Өкмөтүнүн үйүнө министрлер кабинетинин дарегине мурда кат жазган балдар чакырылган.
«Кымбаттуу балдар! Силерди келе жаткан Жаңы 2021-жылыңар менен куттуктайм! Жаңы жылыбыз өлкөбүздүн ырааттуу өнүгүүсүнө өбөлгө түзүүчү жагымдуу өзгөрүүлөргө бай болсун. Силердин окууңарга ийгиликтерди каалайм, дениңер сак болушун, алдыга койгон максаттарыңар ишке ашуусуна тилектешмин. Силер – биздин келечегибизсиңер. Алдыңкы билим-илим алууга умтулуп, замандын талабына төп келген жаштардан болуп өскүлө», – деди Бактыбек Аманбаев.
КОММЕНТАРИЙ КАЛТЫРУУ