Президенттикке талапкерлердин кечээки күндөгү теледебатынын видеосу КТРКнын YouTube каналынан өчүрүлдү. Теледебаттын видеосу КТРКнын Faсebook социалдык тармагындагы расмий баракчасында да жок.
Ал эми 28- жана 29-декабрдагы теледебаттардын видеосу өчүрүлгөн эмес.
Теледебаттын видеосунун өчүрүп салуунун себеби азырынча белгисиз. КТРКнын өкүлдөрү буга комментарий бере элек.
Ал эми БШКнын басма сөз кызматы ыкчам жооп кайтаруу боюнча координациялык топ КТРКнын дебаттарды өчүрүү боюнча жоопкерчилигин карай тургандыгын билдирди.
Белгилей кетсек, кечээ, 30-декабрда КТРКда Кыргызстандын президенттигине талапкерлердин теледебаты өттү. Дебатка Бабыржан Толбаев, Курсан Асанов, Равшан Жээнбеков, Улукбек Кочкоров, Жеңишбек Байгуттиев жана Абдил Сегизбаев катышышкан.
КОММЕНТАРИЙ КАЛТЫРУУ