Жогорку Кеңештин депутаттары Асел Кодуранова менен Ирина Карамушкина, ошондой эле КСДПнын төрагасынын орун басары Кундуз Жолдубаева 7-8-августтагы Кой-Таш окуялары учурунда бийликти күч менен басып алууга аракет кылган деп айыпталууда. Бул тууралуу адвокат Замир Жоошев билдирди.
2019-жылдын 7-августунда мурдагы президент Алмазбек Атамбаевдин Кой-Таштагы хан сарайында аны кармоо операциясы УКМКнын кызматкерлери тарабынан жүргүзүлүп, ишке ашпай калган. Атамбаевдин тарапташтары менен кагылышуу болуп, полковник Үсөнбек Ниязбеков каза болгон. Чүй ОИИББнин жетекчиси Самат Курманкулов башынан жабыркап, ооруканага жеткирилип, эки жолу операция болгон. Бир топ адамдар ар кандай жаракат алып, ооруканага жеткирилген. УКМКнын алты кызматкери барымтада калган. Эртеси, 8-августта Атамбаев өзү колго түшүп берип, УКМКга жеткирилген.
Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.
КОММЕНТАРИЙ КАЛТЫРУУ