Кечээ, 6-январда Кант шаарында уурулукка шектелип 60 жаштагы аял кармалды. Бул тууралуу бүгүн, 7-январда Чүй облустук ички иштер башкармалыгынын басма сөз кызматы билдирди.
Алардын айтымында, 2020-жылдын сентябрь айынын аягында Кант шаарынын тургуну милицияга кайрылган. Ал белгисиз адамдар анын телефонун жергиликтүү базардан уурдап кетишкенин айткан.
Бул факт КЖБРге КР Кылмыш-жаза кодексинин 200-б. (“Уурдоо”) боюнча катталган.
Ысык-Ата РИИБнин ыкчам кызматкерлери кылмышка шектүүнү кармашкан. Ал 1960-жылы туулган С.Г. болуп чыкты. Мындан тышкары, кармалган жарандын базардагы дагы бир уюлдук телефонду уурдоого тиешеси бар экендиги аныкталды.
Учурда тергөө иштери жүрүп жатат.
КОММЕНТАРИЙ КАЛТЫРУУ