Ушундай тема менен бала кезде көп жолу ыр жазгым келдиле (Чынын айтсам, «Кечиккен жаз» деген жөнөкөйле темада болчу). Жазып да көргөм. Ошолордун эсте калган бирөөсүн келтире кетейин:
Кечиктиң жаз, кар күрөп карап турам, Кечиктиң жаз, пок күрөп араң турам. Кечиктиң жаз, моюнга суу тамчылап, Сур булуттун астында балаң турат…
Бул саптар жамаачы чапан, жыртык өтүк кийген (ырабочий кийимдерди айтыватам) бала кезде лирикалык жактан боёгу жупуну жазылса дагын, мен үчүн күнү-бүгүнкүдөй сивежий, күнү-бүгүнкүдөй ачуу-таттуу мааниси бар. Ал кезде качан күн тийип, качан жер кургап, качан малкороодон, жампа-поктон арылабыз деп самачулек. Алардан кечээле кутулгандай болгонбуз. Эми кайра сагынып атабыз…
Бүгүн да жаз шыдыр келгиси келбей, өткөн жаз айларда кийген майкасын ийинге илбей туру. Курсак тушунда «табийгый» жыртыгы бар майкесин кийбей туру. Март айын бүтүндөй бепыралга байлап бергени аз келгенсип, апырел да ашуудан ашканына карабастан мурдунан суусу тамчылап, каражан менен сүйлөшкүсү келбей туру…
Быйылкы жыл элибиз үчүн бөтөнчө жыл болот деп өткөндө тилибузурдан бирөө чыгып айтты. Ишенимдүү айтты. Эмнеге деп сурасаңар, ишенимдүү булакка таянып жооп берип коелук – быйылкы күз өзү бир башкача мезгил болот экен дейт. Жашылдын баары Кызыл болгондо, кыска көлөкө узун болгондо, ороктун ою түшүм болгондо Агүйдө алмашуу жүрөткен. Эли-журтту алты жыл чайпалтпай жетектеген ажо ордун кийинки элбашыга, калктүтөргө, журтбагарга мыйзам жолу менен бошототкен. Ошого карата жаз да кечигип аткансыйт, кийинки жазда эми кимиси келет – баш көтөргөнү келеби, же каш көтөргөнү келеби, дегенсип. Эмесе, Мыйзам жолун баткак баспасын, бучкак баспасын, чычкак баспасын. Таза башталып, таза улансын.
Ошо менен быйылкы көктөм негедир кечигип атканына карата, кайра бир сыя-челекке калем тийгизейин, улуксаат болсо…
Кечиксең да, кезиксең да колум мына, Баткагын тазалайын, жолуң мына. Жамаачы чапан калды балачакка Жазында жаткан өзү сонун тура, Жамбаштап жатам десең, тонуң мына…
Булак: “Де-Факто”
КОММЕНТАРИЙ КАЛТЫРУУ