Жогорку Кеңештин депутаты Дастан Бекешев бүгүн, 8-январда саат 12:00дө “Революциянын баатырлары” эстелигинин жанында тынчтык митингин өткөрүүнү пландаштырууда. Бул тууралуу депутат социалдык тармактагы баракчасында билдирди.
Белгиленгендей, депутат жарандарды келип, өлкөдөгү парламенттик башкаруу формасы боюнча өз позициясын билдирүүгө чакырат.
“Иш-чара көпкө созулбайт. Ар бири 30 секунддай, эң көбү 1 мүнөт сөз сүйлөйт. Сыртта суук болгондуктан акция кыска мөөнөткө созулат. Бирок жарандар башкаруу формасы боюнча өз позициясын билдириши керек, – деди Дастан Бекешев.
КОММЕНТАРИЙ КАЛТЫРУУ