5-январда Ат-Башы районунун Кызыл-Туу айылынын хоккей талаасында Жогорку Кеңештин депутаты Камчыбек Жолдошбаев уюштуруп, жыл сайын өтүп турчу хоккей боюнча Нарын облустук турнир болуп өттү. Бул тууралу депутат Камчыбек Жолдошбаевдин басма сөз кызматы билдирет.
Турнирге 5 команда катышты: Нарын районунун Кеңеш айылынын командасы, Жумгал районунун Байзак айылы, Ат-Башы районунун Ак-Муз, Казыбек жана Кызыл-Туу айылынын хоккей боюнча командалары.
Курч атаандаштык менен өткөн оюндардын натыйжасында биринчи орунду Ат-Башынын Казыбек айылынын командасы, экинчи орунду Нарын районунун Кеңеш айылынын командасы, ал эми үчунчү орунду Ак-Муз айылынын командалары жеңип алышты.
КОММЕНТАРИЙ КАЛТЫРУУ