“Мен мамлекетти өзүм гана башкарам”, – деп билдирди кечээ, 10-январда Садыр Жапаров президенттик шайлоонун жана референдумдун алдын ала жыйынтыктарынан кийин маалымат жыйын учурунда журналисттердин суроолоруна жооп берип жатып.
Жапаров өлкөнүн биринчи президенти 15 жыл бийликте болгонун, алгачкы беш жылда жакшы иштеп, андан кийин айланадагылардын таасири астында калганын белгиледи.
“Экинчи президент 2-3 жыл жакшы иштеп, андан кийин анын айлана-чөйрөсүндөгү жакын адамдарына башкартып жиберди. Кийинки президентибиз дагы жардамчыларына, айдоочуларына башкартып жиберген учурлар болгон”, – деди ал.
Бирок, менде андай катачылыктар болбойт. Анткени, биз тарыхтан сабак алган адамдарбыз. Кудай буйруса, мамлекетти канча жыл башкарып отурсам, ошончо жыл өзүм гана башкарам. Досторго, шоопурларга, жардамчыларга жана туугандарга башкартпайм”, – деди Садыр Жапаров.
КОММЕНТАРИЙ КАЛТЫРУУ