Menu

Жарандык көзөмөл комитети Маданият министри Нуржигит Кадырбековдун кызматтан кетишин талап кылды

Бөлүшүү:

Кыргызстандагы Жарандык көзөмөл комитети Маданият, маалымат жана туризм министри Нуржигит Кадырбековдун кызматтан кетишин талап кылууда. Комитет тиешелүү билдирүүнү Facebook социалдык тармактагы баракчасына жарыялады.

Комитетти маданият министрдин ырчы Куралбек Чокоевдин долбоорунун айланасындагы ызы-чуу боюнча билдирүүлөрү тынчсыздандырды. Министр ырчы сыйлыктардан ажыратылып, мамлекеттик концерттик залдарда концерт коюусуна тыюу салынышы мүмкүн экендигин белгилеген. Ошондой эле, жалпыга маалымдоо каражаттарында жарыяланган маалыматтарга караганда, Маданият министрлигинин алдындагы бардык медиа борборлорго Курал Чокоевдин ырларын, клиптерин жарыялоого тыюу салынган.

“Нуржигит Кадырбековдун билдирүүлөрү эгемендүү Кыргызстандын бүткүл тарыхында мыйзамдардын жана Конституциянын бузулушунун деңгээли боюнча болуп көрбөгөндөй көрүнүш. Бул коркунуч ырчыларга гана эмес, биздин ар бирибизге каршы багытталган. Бул Маданият министрлигинин адамдын негизги укуктары менен эркиндиктерине жасаган биринчи чабуулу эмес. Укуктар менен эркиндиктер кандайдыр бир министр же мамлекеттин башка өкүлү тарабынан өзүм билемдик менен чектелиши мүмкүн эмес”, – деп айтылат кайрылууда.

Белгилей кетсек, жакында ырчы Курал Чокоевдин “В пи#ду звезду” аттуу долбоору чыккан, анын маңызы чакырылган конокту күлдүрүү жана шылдыңдоо. Көрүүчүлөр долбоордун катышуучуларынын уят сөздөргө негизделген тамашасын сынга алышты. Коомчулуктун катуу сынынан кийин Курал Чокоев долбоорду жаап, Ютубдан видеону өчүрүп, жарандардан кечирим сураган.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

+ 14 = 23

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: