Жалал-Абад облусундагы 82 ата-энесинен ажыраган балдарга 3 миллион сом акчалай көмөк көрсөтүлдү. Бул тууралуу Өкмөттүн Жалал-Абаддагы өкүлчүлүгүнүн басма сөз кызматы билдирди.
Бул Бириккен Араб Эмиратынын жана Кыргызстандын Улуттук Кызыл Ай Коомунун өнөктөштүк долбоорунун алкагында ишке ашырылды. Алардын тизмеси облустун район-шаарлардагы эмгек жана социалдык өнүктүрүү башкармалыгы тарабынан берилген. Муктаж балдарга көмөк көрсөтүүнүн жеткиликтүүлүгүн камсыздоо максатында, каражаттар ар бир балага банктык эсеп аркылуу которулган.
Белгилей кетсек, Жалал-Абад облусунда 509 томолой, 7 миң 965 ата- энесинен ажыраган балдар бар.
КОММЕНТАРИЙ КАЛТЫРУУ