2020-жылы Мамлекеттик салык кызматы республикалык бюджетке 62 млрд 958 млн сом салык жыйнады. Бул тууралуу МСКнын басма сөз кызматы билдирди.
Маалыматка ылайык, белгиленген план 100,2 пайызга аткарылды же 107,3 млн сомго ашыгы менен чогултулду.
2019-жылга салыштырмалуу салыктар республикалык бюджетке 324,7 млн сомго көп жыйналды.
Белгилей кетсек, салыктар боюнча план 2020-жылдын ноябрь айында республикалык бюджетке Салык кызматы үчүн мурда белгиленген планды 3 млрд 58,3 млн сомго көбөйтүү менен киргизилген өзгөртүүлөрдү эске алганда ашыгы менен аткарылды.
КОММЕНТАРИЙ КАЛТЫРУУ