“Алгач президент, спикер, премьер-министр элге үлгү болуп түз эфирде COVID-19ка каршы эмделсин. Ошондо, вакцинага элдер ишене баштайт”, – деп билдирди бүгүн, 21-январда депутат Дастан Бекешев ЖКнын жыйынында.
Ал ошондой эле, учурда коомдо коронавируска каршы вакцина боюнча көптөгөн пикир келишпестиктер болуп жатканын белгиледи.
“Болбосо көрүп жатабыз го. Кээ бир мамлекеттер вакцина чыгарып жатышат бирок, алардын жетекчилери вакцинаны колдонушпайт”, – деди ал.
“Өкмөт Pfizer вакцинасы Кыргызстанга ылайыксыз, аны сактай турганга муздаткыч жок, дагы 2 миллион доллар керек деп жатат. Бирок, чынын айтканда, андан башка вакциналар көп, мисалы, кытайлык вакцина, “Спутник V” ж.б.”, – деди ал.
“Менин оюмча, инаугурациядан кийин жаңы президент бизге кайсы вакцина керек экендигин өзү айтып, биринчи өзү эмделиши керек”, – деп кошумчалады ал.
КОММЕНТАРИЙ КАЛТЫРУУ