Орусиянын Керектөөчүлөрдүн укугун жана жыргалчылыгын коргоо боюнча федералдык кызматы (Роспотребнадзор) эпидемиологиялык абалга байкоо жүргүзүү үчүн Тажикстанга келет. Бул тууралуу Орусия өкмөтүнүн маалымат кызматы билдирди.
Тажикстан бийлиги 2021-жылдын январь айында өлкөдө коронавирус инфекциясы менен ооругандар дээрлик жок калганын жарыялаган. Эксперттер бул билдирүүгө орус бийлиги анча ынанбай жатканын, буга байланыштуу кырдаалга баа берүү үчүн адистерин жөнөткөн болушу ыктымал экенин айтышууда.
Бул арада орус өкмөтү Душанбени “COVID-19суз саякатта” тиркемесине кошулууну сунуштоодо. Бул тиркеме аркылуу QR-код түрүндө жарандын ковид макамы аныкталат.
Ал ортодо тажик мигранттары Орусия менен Тажикстандын ортосундагы туруктуу аба каттамдарынын калыбына келишин күтүп жатышат. Азырынча эки өлкөнүн авиациялык бийликтери бул маселе боюнча бир пикирге келе элек.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ