Бүгүн, 11-февралда Бишкек шаарынын Биринчи май райондук соту уюшкан кылмыштуу топтун мүчөсү, Женго каймана аты бар Кадырбек Досоновдун баш коргоо чарасын карады. Бул тууралуу адвокат Назгүл Сүйүнбаева билдирди.
Анын айтымында, Кадыр Досонов УКМКнын тергөө абагына 2 айга камалды.
Адвокат ошондой эле, Кадыр Досонов “Манас” аэропортунан УКМКга бараткан жолдо, андан кийин имараттын өзүндө сабалганын билдирди.
“Анын омурткасы жабыркаган, бетинде денеге келтирилген жаракаттын издери көрүнүп турат. Бул деген аны УКМКнын кызматкерлери сабады дегенди билдирет“, – деп билдирди ал.
Адвокат бул боюнча Кыйноолорду алдын алуу боюнча улуттук борборго жана Акыйкатчыга кайрылгандыгын, ошондой эле Башкы прокуратурага кайрыларын белгиледи.
КОММЕНТАРИЙ КАЛТЫРУУ