АКШда 78-жолу кино жана теле жаатындагы абройлуу «Алтын глобус» сыйлыгы тапшырылды. Пандемияга байланыштуу иш-чара видеобайланыш аркылуу өттү.
Ошол эле маалда – актрисалар Тина Фей менен Эми Полер – Нью-Йорк менен Лос-Анжелестеги ар башка студиядан байланышка чыгышты. Бирок алар сахнада чогуу тургандай иллюзия жарата тургандай монтаж жасалды.
«Алтын глобусту» эң мыкты драмалык фильм үчүн «Көчмөндөрдүн жери» тасмасы алды. Тасманын режиссёру Хлой Чжао «эң мыкты режиссердук иш» номинациясына ээ болду.
Chloé Zhao takes home the award for Best Motion Picture Director for Nomadland. #GoldenGlobespic.twitter.com/YvPeTUvn1b
— Golden Globe Awards (@goldenglobes) March 1, 2021
Драмалык фильмде эң мыкты актер наамы «Ма Рейни: Блюз энеси» тасмасында ойногон Чедвик Боузманга берилди. «Кошмо Штаттар Билли Холидейге каршы» картинасында роль алган Андра Дэй эң мыкты актриса номинациясына татыды.
Режиссер Жейсон Уолинердин «Борат 2» лентасы «Эң мыкты фильм – комедия же мюзкил» номинациясында «Алтын глобус» алды. Эң мыкты комедиялык актер наамына Борат Сашаны ойногон Барон Коэн ээ болду. Ушул эле категорияда эң мыкты актриса наамын «Аферистка» фильминде роль алган Розамунд Пайк жеңди.
«Эң мыкты чет тилдеги тасма» категориясында «Алтын глобус» режиссер Ли Айзек Чундун «Минари» картинасына берилди.
Эң мыкты анимациялык фильмде сыйлыкты «Жан» мультфильми алып кетти.
Эң мыкты драмалык сериал үчүн сыйлыкты британ ханышасы Елизавета Экинин башкаруусун баяндаган «Таажы» тарыхый сериалы жеңди. Бул сериалда ханзаада Чарльзды ойногон Жош О’Коннор эң мыкты телеактер, ханбийке Диананын образын жараткан Эмма Коррин эң мыкты телеактриса аталды.
It's 3am in the U.K., so we happened to catch @JoshOConnor15 right before his coffee buzz ran out, but AFTER he won Best Performance by an Actor in a Television Series – Drama at the #GoldenGlobes! pic.twitter.com/dh63pLOmqw
— Golden Globe Awards (@goldenglobes) March 1, 2021
«Ханышанын жүрүшү» психологиялык триллери эң мыкты мини-сериал сыйлыгын алса, анда башкы ролду ойногон Аня Тейлор-Жой эң мыкты мини-сериал актрисасы болду.
«Шиттс Крик» эң мыкты комедиялык телесериал номинациясында «Алтын глобус» алды.
«Алтын глобус» кино жаатында «Оскардан» кийин эле кадыр-барктуу эсептелген сыйлык болуп эсептелет.
Салтка ылайык, «Алтын глобус» алган эмгектер 25-апрелде тапшырыла турган «Оскар» сыйылыгынын негизги талапкерлери катары сыпатталат.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ