Menu

Өмүрбек Суваналиевге “Мамлекеттик жарандык кызматтын 1-класстагы мамлекеттик кеңешчиси” деген класстык чин ыйгарылды

Бөлүшүү:

КР Өкмөтүнүн Баткен облусундагы ыйгарым укуктуу өкүлү болуп жаңы эле дайындалган генерал-майор Өмүрбек Суваналиевге КР Президенти Садыр Жапаровдун указы менен “Мамлекеттик жарандык кызматтын 1-класстагы мамлекеттик кеңешчиси” деген класстык чин ыйгарылды. Бул тууралу бизге Өкмөт үйүндөгү жеке булактарыбыз билдирди.

“Мамлекеттик жарандык кызматтын 1-класстагы мамлекеттик кеңешчиси” деген класстык чин аскердик генерал-полковник наамы менен тете бааланат. Указга 22-февралда кол коюлган.

Эсиңиздерге сала кетсек, Өмүрбек Суваналиев 2021-жылдын 15-февралында КР Премьер-министри Улукбек Мариповдун буйругу менен КР Өкмөтүнүн Баткен облусундагы ыйгарым укуктуу өкүлү болуп дайындалган.

Белгилүү болгондой, Баткен облусу өлкөдөгү эң оор аймактардын бири болуп эсептелет: кыргыз-тажик жана кыргыз-өзбек чек араларында ар кандай кагылышуулар болуп, алигиче чек ара көйгөйлөрү чечилген эмес.  Ооган-Тажикстан-Кыргызстан-Казакстан-Европа наркотрафиги дүйнөнүн тынчын алып турат. Жер, суу тартыштыгы курч бойдон калууда. Жумушсуздук өсүп, жергиликтүү тургундар Бишкекке, андан ары Россия менен Казакстанга жумуш издеп агылып, чек аралар ачык бойдон калууда.

Булак: KyrgyzToday.kg

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 88 − 86 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: