Кечээ, 4-мартта КР УКМК ККК менен КР ИИМ ИИК биргеликте кызмат абалынан кыянаттык менен пайдалануу фактысы боюнча кылмыштардын жана жоруктардын бирдиктүү реестрине катталган сотко чейинки өндүрүштүн алкагында, Жалал-Абад облусунун Кара-Көл ИИБ башчысы милициянын полковниги «Н.А.А.» кармалды. Бул тууралуу УКМКнын басма сөз кызматы билдирди.
Такталгандай, кармалган Н.А.А. 2020-жылдын декабрында буга чейин Жалал-Абад облусунун ИИБ Жол кайгуул кызматы тарабынан кармалган, жасалма каттоо документтери менен 2019-жылы чыгарылган «ТОЙОТА ЛЭНД-КРУЗЕР 200» маркасындагы унааны Оруссия Федерациясынын аймагынан Интерпол уурдап кеткен деп катталган (автоунаанын-эгизин) кызыкдар адамдарга мыйзамсыз берген.
Кармалган адам Жалал-Абад шаардык ИИБ убактылуу кармоочу жайына киргизилди.
Тергөө иштери жүрүп жатат.
КОММЕНТАРИЙ КАЛТЫРУУ