Казакстанда учак кырсыгынан аман калгандарга операция жасалды

13-мартта Казакстандын мурдагы борбору Алматы шаарына жакын жерде ичинде алты киши болгон аскердик учак кулаган.

Бул унаа учагы Казакстандын Улуттук коопсуздук комитетинин Чек ара кызматына таандык болгон.

Учак кырсыгында көз жумгандар майор Габит Барлыкбаев (Ғабит Барлықбаев; 1987-жылы туулган), улук лейтенант Досжан Баймуратов (Досжан Баймұратов; 1987-жылы туулган), Мухтар Сагынбаев (Мұхтар Сағынбаев; 1995-жылы туулган) жана сержант Евгений Васильков (1986-жылы туулган) экендиги маалымдалган.

Казакстандын президенти Касым-Жомарт Токаев жана мурдагы президент Нурсултан Назарбаев 13-мартта аскердик учак кыйраганда курман болгондордун жакындарына көңүл айтышкан.

 Булак: “Борбор Азия жаңылыктар кызматы”