Menu

Улукбек Марипов: “Жол курулушу үчүн транспорт министри жеке жоопкерчилик алат”

Бөлүшүү:

Кыргыз Республикасынын Премьер-министри Улукбек Марипов жумушчу сапарынын алкагында Нарын облусунун Жумгал районундагы Түндүк-Түштүк альтернативдик жолунун курулушу менен таанышты жана жергиликтүү калк менен жолугушту. Бул тууралуу өкмөттүн аппаратынын басма сөз кызматы билдирет

Белгилесек, Түндүк-Түштүк альтернативдик жолунун узундугу 433 км түзөт.

Эпкин — Башкууганды тилкесинде 2020-жылдын ноябрь айында подрядчикке шарттарды бузгандыгы үчүн келишимди бузуу тууралуу билдирүү жөнөтүлгөн. Учурда жаңы подрядчыны тандоо үчүн тендердик документация даярдалууда.

Премьер-министр белгилегендей, тендерде жеңген компания өз милдеттерин тийиштүү деңгээлде аткарган эмес, үч жылдын ичинде каралган 70% иштин 9% гана аткарылган.

“Жаңы тендер өткөрүлөт. Жолдун курулушун мен жеке көзөмөлүмө алам. Транспорт, архитектура, курулуш жана коммуникациялар министрлиги астында ишти тездетүү жана бардыгын өз мөөнөтүндө жыйынтыктоо милдети турат. Министр бул үчүн жеке жоопкерчилик алат”,- деп белгиледи Улукбек Марипов.

Ошондой эле ал кошумчалагандай, Өкмөттүн ишинин негизги максаты катардагы жарандардын жашоосун жакшыртуу.

“Мен аталган жол тилкесинде болдум, жолдун чаңы көтөрүлүп, айрым тилкелерде асфальт такыр төшөлгөн эмес. Карапайым эл кыйналууда, мындайга жол берилбеши керек”,- деп жыйынтыктады Премьер-министр.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

77 − 74 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: