ЖКнын депутаты Кубанычбек Жумалиев менчик ооруканада дарылангандан кийин УКМКнын СИЗОсуна кайтарылган. Бул тууралуу УКМКнын басма сөз кызматы билдирди.
Белгиленгендей, Кубанычбек Жумалиев “Бикард” жеке клиникасында дарыланган.
Белгилей кетсек, Кубанычбек Жумалиев Эл аралык медициналык университетке лицензия алууда, ошондой эле кылмыштуу жол менен табылган кирешени легалдаштырууда, салык жашырууда, мыйзамсыз баюу фактылары боюнча айыпталууда.
Ал 4-февралда Жазык кодексинин 319-беренеси («Коррупция») боюнча УКМК тарабынан кармалып, Бишкектин Биринчи май райондук сотунун чечими менен 4-апрелге чейин камалган.
КОММЕНТАРИЙ КАЛТЫРУУ