Сыймык Жапыкеев Ысык-Көл облусунун прокурору болуп дайындалды. Бул тууралуу маалыматты журналисттерге Башкы прокуратурадан тастыкташты.
Белгиленгендей, бүгүн, 30-мартта Сыймык Жапыкеев генпрокурор Курманкул Зулушевдин буйругу менен Ысык-Көл облусунун прокурору болуп дайындалды.
Тиешелүү буйруктун сүрөтү соцтармактарга тарады.
Анда “Сыймык Жапыкеев прокуратура органдарына кызматка кабыл алынсын жана Ысык-Көл облусунун прокурору кызматына дайындалсын” деп жазылган.
Белгилей кетсек, 2020-жылдын октябрь айындагы окуялардан кийин Сыймык Жапыкеев Финполициянын төрагасы болуп дайындалган. Үстүбүздөгү жылдын 5-мартында КР Өкмөтүнө караштуу Экономикалык кылмыштарга каршы күрөшүү боюнча мамлекеттик кызмат (финансы полициясы) жоюлган.
Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.
КОММЕНТАРИЙ КАЛТЫРУУ