Menu

Орусиядан депортацияланган тажик укук коргоочусу Душанбедеги тергөө абагында кармалууда

Бөлүшүү:

Орусиядан депортациялангандан кийин Душанбеде кармалган тажикстандык укук коргоочу Иззат Амондун уулу Мухаммадюсуф Холов 30-мартта Ички иштер министрлигинин (ИИМ) тергөө абагында атасы менен жолукканын билдирди.

«Атамдын саламаттыгы жакшы. Бийлик өкүлдөрү келтирилген чыгымдын орду толтурулса ал бошотуларын убадалашты. Атам да жакында эркиндикке чыгаарына ишенип турат», — деди Холов.

Азырынча укук коргоочунун ыктымал бошотулушу тууралуу бийлик расмий билдирүү жасай элек.

26-мартта Тажикстандын ИИМи Иззат Амон алдамчылыкка айыпталып жатканын, ага каршы кылмыш иши козголгонун кабарлаган. Мекеме эртеси укук коргоочу «Орусияда жүрүү эрежесин бузганы жана бул өлкөнүн жарандыгын мыйзамсыз алганы үчүн» Москванын Тверь райондук сотунун чечими менен депортацияланып, Душанбеге келгенде камакка алынганын ырастаган.

25-мартта Иззат Амондун кесиптештери Москва полициясы аны үйүнөн алып кеткенин билдиришкен.

2000-жылдардан бери Москвада жашап жүргөн 48 жаштагы Иззат Амон бул шаардагы Эл аралык адвокаттар бюросунда иштеп, «Москвадагы тажиктер борбору» уюмун жетектейт. 2019-жылы хиджапка тыюу салууну сындап чыкканы үчүн Тажикстанда ага экстремизм беренеси боюнча иш козголгон.

 Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

16 − 15 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: