Menu

УКМК: Мамлекеттик салык кызматынын Бишкек шаарынын Биринчи Май району боюнча башкармалыгында жеке ишкерлерден пара алгандыгы үчүн туруктуу коррупциялык схема аныкталып ага бөгөт коюлду 

Бөлүшүү:

Кыргыз Республикасынын УКМК фискалдык органдардагы коррупцияны жоюу боюнча пландаштырылган иш-чаралардын жүрүшүндө, Бишкек шаарынын Биринчи Май району боюнча Мамлекеттик салык кызматынын башкармалыгында туруктуу коррупциялык схема аныкталып, бөгөт коюлду. Бул тууралуу бүгүн, 31-мартта УКМКнын басма сөз кызматы билдирди.

Такталгандай, Бишкек шаарынын Биринчи Май району боюнча Мамлекеттик салык кызматынын башкармалыгынын башчысы «Б.Т.Т.», мыйзамсыз каржылык жактан байыууга багытталган, кол алдындагы кызмат адамдары менен жең учунан сүйлөшүп алышып, алардын компетенциясына кирген маселелерди оң тарапка чечүү үчүн ишкердик субъекттеринен системалуу түрдө акча алуу түрүндө коррупциялык схема түзүлгөн.

Сотко чейинки өндүрүштүн алкагында сот тарабынан санкцияланган атайын тергөө иш-аракеттеринин натыйжасында, жеке ишкерлерден системалуу түрдө пара алуу жана аталган салык кызматынын инспекторлору менен башчынын ортосунда бөлүштүрүү фактылары катталды.

2021-жылдын 30-мартында КР Жазык-процесстик кодексинин 98-беренесинин негизинде аталган «Б.Т.Т.» кармалып, КР УКМК тергөө камак жайынын убактылуу кармоочу жайына киргизилди.

Белгилей кетсек, опузалап пара талап кылуу жана ишкердик субъекттеринен пара алуу сыяктуу коррупциялык схемалар салык кызматынын башка аймактык бөлүмдөрүндө дагы орун алып, бул жалпы мамлекеттик башкарууга көлөкөсүн түшүрүп, ички инвестициялардын кетип калышына алып келүүдө.

Буга байланыштуу, көзөмөлдөөчү органдар тарабынан кандайдыр бир мыйзамсыз иш аракеттер болгон учурда, Кыргыз Республикасынын Улуттук коопсуздук мамлекеттик комитетинин коомдук кабылдамасынын 660020 номерине, же Whatsapp 0501660020 ишеним телефонуна кайрылууңуздарды өтүнөбүз.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

80 − 75 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: