Menu

Кыргызстанда Европа тасмаларынын фестивалы ийгиликтүү өттү

Бөлүшүү:

Европа Бирлигинин Өкүлчүлүгү тарабынан уюштурулган фестиваль биринчи жолу  онлайн режимде 22-марттан 28-мартка чейин белгиленди. Онлайн аянтчадагы көрсөтмөгө  Берлин жана Канн кинофестивалдарынын 11 толук метраждуу номинанттары жана катышуучулары, ошондой эле экологиялык темадагы 8 кыска метраждуу тасмалары сунушталды.

Мындан тышкары, фестивалда чеберлер-класстары жана европалык кинорежиссерлор: бельгиялык сценарист Доменико Ла Порта, италиялык продюсер Карло Д’Урси жана италиялык эксперт Андреа Рокколор менен жолугушуулар болду. Чеберчиликтин катышуучулары сценарийлерди түзүү жана нөлдөн баштап тасма тартуу техникалары, ошондой эле кинокомиссиялардын иши жана тасмаларды каржылоо жөнүндө билүү үчүн уникалдуу мүмкүнчүлүк алышты.

«Европанын кино индустриясы илгертен бери эле лидер болуп келген жана биз тарабынан ал чоочун нерсе катары эмес, өзүбүзгө жакын нерседей кабыл алынат. Автордук кинонун жардамы менен терең маанини жана мотивди көрүүгө болот, ал китеп болобу же адамдын бардык тынчсыздануусу камтылган ички жан дүйнөсүбү, айтор аны ачып көрсөтүүгө болот” – дейт актер жана кинорежиссер Бакыт Мукул.

Кыргызстандын маданий турмушундагы бул жаркын окуя тууралу айтып жатып, кинорежиссер Марат Сарулу автордук кино генетикадагыдай эле “таза сызык” сыяктуу деп белгиледи. Кино ишмердин айтымында, артхаустун жашоо шарттарын сактабасак, кинематограф өзүнүн контурун жоготуп, акчанын күчтүү кысымы менен жаңы визуалдык медиа жаралат.

“Автордук кинонун аныктамасы – “кино баары үчүн эмес” дегенди түшүндүрөт. Адатта, мындай тасмаларды кабыл алууга даяр болгон көрүүчүлөрдүн дарегине багытташат. Булар сейрек кездешүүчү кинону баалоочулар, статистикага ылайык, алар орто эсеп менен  көрүүчүлөрдүн жүз пайызынын 5-10% гана түзөт», – деген оюн Сарулу билдирди.

Жалпысынан, 22-марттан 28-мартка чейин 5454 адам онлайн платформада эркин көрсөтүлгөн тасмаларды көрүштү. Эң популярдуу үч фильмдин катарына режиссер Николаус Гейрхалтер тарткан ” Homo Sapiens ” илимий-фантастикалык документалдык тасмасы, «Якоб, Мимми жана сүйлөй алган иттер» (Эдмундс Янсонс) мультфильми жана “Мен мындамын» (Ренарс Вимба) драмасы кирди.

«Биздин оюбуз боюнча, онлайн-форматтагы европа тасмаларынын фестивалы бардык жагынан ийгиликтүү өттү. Толук жана кыска метраждуу фильмдерди дээрлик 5500 адам көрдү, бул чындыгында натыйжалуу жыйынтык. Экология жана айлана-чөйрөнү коргоо темасында кыска метраждуу тасмалар абдан популярдуу болгону өзгөчө кубандырат. Бул   дүйнө жүзү боюнча, ушул теманын универсалдуулугун жана маанилүүлүгүн көрсөтөт ”, – деп билдирди, маданий иш-чараны жыйынтыктап жатып Европа Бирлигинин Кыргызстандагы элчиси Эдуард Ауэр. «Дагы бир ийгилигибиз – европалык эксперттердин катышуусунда биринчи жолу уюштурган чеберлер-классы болду. Биз чындыгында жаңы билим жана тажрыйба топтоого кызыкдар болгон жүйөлүү жана кесипкөй аудиторияны чогулта алдык. Биздин Европалык спикерлер чындап эле зор суроо-талапка ээ болушту “.

Чеберлер-классынын ийгилигин жана суроо-талабын эске алып, ЕБ өкүлчүлүгү аны жыл сайын өткөрүп турууну туура тапты.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha + 45 = 48

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: