Жалал-Абад облусунун Аксы районунда 7-класстын окуучусу көз жарды. Бул тууралуу журналисттерге Аксы райондук билим берүү бөлүмүнүн башчысы Талант Эмилбек уулу тастыктады.
Анын айтымында, мектеп окуучусу түндө жергиликтүү ооруканада көз жарган.
Малыматка ылайык, кыз Кара-Суу айыл өкмөтүнүн мектептеринин биринде окуйт. Ал мыкты окуп, олимпиадаларга катышып жүрчү. Ал дээрлик көз жарганга чейин мектепке барып жүргөн. Анын кош бойлуу экенин ата-энеси дагы, мугалимдер дагы байкаган эмес.
Учурда окуянын чоо-жайын тактоо үчүн тиешелүү иштер жүрүп жатат. Ал эми көз жарган окуучу кыз менен ымыркайдын абалы жакшы.
КОММЕНТАРИЙ КАЛТЫРУУ