Чүй облусунун ИИББдүн Экстремизмге жана мыйзамсыз миграцияга каршы аракеттенүү боюнча кызматынын кызматкерлери тарабынан мыйзамсыз миграция уюштуруу фактысы аныкталган. Бул тууралуу Чүй ОИИББнин басма сөз кызматы билдирди.
Аталган факты кылмыштардын жана жоруктардын бирдиктүү реестрине Кыргыз Республикасынын Жоруктар жөнүндөгү кодексинин 122-беренеси (Мыйзамсыз миграцияны уюштуруу) боюнча катталып, териштирүү иштери башталган. Чүй ОИИББдүн Экстремизмге жана мыйзамсыз миграцияга каршы аракеттенүү боюнча кызматынын кызматкерлери тарабынан жүргүзүлгөн ыкчам иш-чараларынын натыйжасында Аламүдүн районунун аймагындагы ишканалардын биринде Кыргыз Республикасынын чек арасынан мыйзамсыз өткөн коңшу өлкөнүн жарандары аныкталган. Алар 1996-жылы туулган Д.Н., 1988-жылы туулган Х.Д., 1997-жылы туулган Р.Т. жана 1972-жылы туулган Х.М. аттуулар болушкан. Аталган жарандар иш-кананын ичинде жатып иштешкени териштирүү учурунда аныкталган.
Чогултулган материалдар УКМКнын Чүй облустук башкармалыгына өткөрүлүп берилген.
КОММЕНТАРИЙ КАЛТЫРУУ