Menu

AI: Казакстандын бийлиги адам укуктарын чектөөнү улантууда

Бөлүшүү:

Казакстандын бийлиги жарандардын тынч жыйын өткөрүү жана өз оюн эркин айтуу укугун чектеп, башкача ой жүгүрткөндөргө каршы күрөшүүнү улантууда. Бул тууралуу Amnesty International (AI) эл аралык укук коргоо уюму билдирди.

Эл аралык уюм 7-апрелде 2020-жылдагы адам укуктарына байланыштуу 149 өлкөдөгү абал боюнча жаңы баяндамасын жарыялады. Баяндамада коронавирус пандемиясына карата көрүлгөн бир катар чаралар Европа жана Борбор Азияда адам укуктарын коркунучка кептегени айтылат.

Бир катар өлкөлөр COVID-19 панемиясын ширма катары колдонуп, өз таасирин күчөтүп, укук коргоочулардын жана бейөкмөт уюмдардын ишмердүүлүгүн чектеген.

Amnesty International билдиргендей, Казакстан менен Өзбекстанда тынч жыйындарды чектөө жөнүндө мыйзам долбоорлору кабыл алынган же сунушталган.

Баяндаманын авторлору Казакстанда былтыр кабыл алынган тынч жыйындар тууралуу мыйзам эл аралык стандарттарга туура келбей турганын белгилешкен. Тынч жыйындарды бийликтин уруксаты менен атайын белгиленген жерде гана өткөрүүгө болот.

Баяндамада 2020-жылы 8-февралда Жамбыл облусунун Кордай районунда чыккан казак-дунган жаңжалы да эске салынган. Чатакта он киши каза болуп, жүздөн ашык адам жабыркаган. Ондогон турак жай жана машине өрттөлгөн. Миңдеген дунган Кыргызстанга кире качкан.

 Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha − 2 = 1

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: