Menu

БШК: Референдумга шайлоочулардын 37,08% катышты, алардын 79,4%ы “макул” деген добуш берди

Бөлүшүү:

11-апрелде референдумдун катышуучуларынын тизмесине киргизилген 3 миллион 606 миң 201 шайлоочунун ичинен 1 миллион 336 миң 743 шайлоочу катышты. Бул тууралуу бүгүн, 12-апрелде Шайлоо жана референдум өткөрүү боюнча борбордук комиссиясынын төрайымы Нуржан Шайлдабекова билдирди.

Анын айтымында, 12-апрелде саат 12:30га карата референдумга катышкандардын саны 37,08% түздү. Добуш берүүгө катышкандардын ичинен 1 миллион 59 миң 476 (79,4%) шайлоочу “макул” деп добуш берди, “каршы” – 182 миң 553 (13,66%).

Региондор боюнча алдын ала маалымат төмөндөгүдөй:

Бишкек шаары  79 644 (60,66%) “макул” деген добуш берди, 47 397 (36,10%) каршы болду;

– Ош шаары: макул – 57 015 (79,87%), каршы – 8 758 (12,27%);

– Жалал-Абад облусу: макул – 228 982 (84,07%), каршы – 21638 (7,94%);

– Ысык-Көл облусу: макул – 98,489 (85,25%), каршы – 10,500 (9,09%);

– Нарын облусу: макул – 69 553 (82,84%), каршы – 9445 (11,25%);

– Ош облусу: макул – 242 328 (84,33%), каршы – 22 341 (7,78);

– Талас облусу: макул – 52 066 (74,99%), каршы – 11 147 (16,06%);

– Чүй облусу: макул – 138 644 (70,84%), каршы – 41 803 (21,36%);

– Баткен облусу: макул – 92 455 (84,27%), каршы – 9524 (8,68%).

Нуржан Шайлдабекова чет өлкөдө ачылган 48 шайлоо участкасы боюнча күтүлүп жатканын белгиледи.

“БШК референдумдун натыйжаларын келип түшкөн аймактык шайлоо комиссиялардын тийиштүү аймактардагы добуш берүүнүн жыйынтыктарынын негизинде аныктайт. Аныктоо мезгили – 35 күн (добуш берүү күндөн баштап). Аймакттардагы добуш берүүнүн жыйынтыктары АШК тарабынан жыйынтыкталып, БШКга жиберилет. Белгиленген мөөнөттө БШК референдумдун натыйжаларын аныктайт”, – деп билдирди төрайым.

“Референдум кол менен саноонун негизинде жыйынтыкталат жана аныкталат. Азыркы учурда биз кол менен саноонун жыйынтыктарын алып жатабыз. Референдумдун катышуучуларынын тизмесинин 30%дан көбү катышса, анда реферндум болуп өттү деп саналат. Жалпы добуш берүүгө катышуучулардын 50% көбү “макул” деген добуш берсе, анда референдумдагы чыгарылган маселе кабыл алынды деп саналат. Бирок, акыркы жыйынтыктар жана натыйжалар кол менен саноонун протоколдорунун негизинде аныкталат”, – деп кошумчалады ал.

Ал бүгүнкү берилген маалымат шайлоо участкаларынан келип түшкөн автоматтык эсептөөчү урналардан (АЭУ) алдын ала алынган маалыматтар экенин белгиледи.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

2 + 5 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: