Menu

Өзбекстан чет өлкөдө акчасыз калган жарандарына насыя иретинде жардам бере баштайт

Бөлүшүү:

Өзбекстан өкмөтү чет өлкөдө жашоого акчасы жок жарандарына убактылуу материалдык жардам көрсөтүү жөнүндө чечим кабыл алды.

12-апрелде кабыл алынган жобого ылайык, чет жерде убактылуу жүргөн жана материалдык жактан колдоого муктаж өзбекстандык жарандар каржылай көмөк үчүн дипломатиялык өкүлчүлүктөргө кайрылышса болот.

Дипломатиялык өкүлчүлүктөр эки жумушчу күндүн ичинде жарандын арызын жана башка документтерин кабыл алып, чет өлкөдө жүрүү шартын текшерип, документтерди тышкы иштер министрлигине жөнөтөт.

Мындан соң ТИМ бир күндүн ичинде материалдык жардам берүү же баш тартуу жөнүндө бүтүм чыгарат. Дипломатиялык өкүлчүлүк арызы канааттандырылган жаран менен насыя келишимин түзөт. Тамак-аш, жашаган жер, кийим-кече жана транспорт акысын төлөп берет.

Өкмөттөн жардам алган киши аны республикалык бюджетке 30 күндүн ичинде кайтарышы зарыл.

 Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

+ 27 = 29

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: