Аламүдүн районунун Ленин айылында көк бөрү турнири болуп өттү. Бул тууралуу «Silk Way» индустриалдык паркынын басма сөз кызматы билдирди.
Турнир өнөр жай паркынын аймагында «Жибек Жолу» спорттук ат оюндарынын мектебине капсула салуунун жана курулуштун башталышынын урматына өткөрүлдү.
Спорттук ат оюндарынын мектеби 5,5 гектар аянтты ээлейт. Анда ат минүү, ат минип сейилдөөлөрдү уюштуруу, спорттук ат оюндары боюнча беттештерди жана көк бөрү мелдештерди өткөрүү сыяктуу бир катар оюн-зоок кызматтары сунушталат.
Оюндар «Silk Way» индустриалдык паркынын ипподромунда өттү. Мелдештерге 14 жамаат катышты.
Командалар Жогорку жана Биринчи эки лигага бөлүнгөн. Жогорку лигада 8 команда, Биринчи лигада – 6 команда чыкты.
Турнирдин байге фонду 500 миң сомду түздү.
Турнирдин жыйынтыгы боюнча Жогорку лигада «Бөрүлү» командасы биринчи орунду, экинчини – «Соң-Көл», ал эми үчүнчү орунду «Мунар» командалары ээлешти.
Биринчи лигада оюндардын жеңүүчүсү «Амангелди» командасы болуп, экинчиликти – «Чыңгыз», үчүнчү орунда – «Хамитов» командалары алышты.
«Silk Way» индустриалдык паркынын башкы директору Адилет Кубанычбеков белгилегендей, «Жибек Жолу» спорттук ат оюндарынын мектеби эл аралык талаптарга ылайык салынган жана активдүү эс алуу, ат минүү жана ар түрдүү ат оюндары менен алектенүү үчүн ыңгайлуу жай болот.
Ал «Silk Way» индустриалдык паркынын курулушу сыяктуу ири долбоорлорду ишке ашырууда социалдык-маданий долбоорлор тууралуу эстен чыгарбоо керектигин кошумчалады. Төелефон, планшеттер ар кимде бар учурда, ат менен сейилдөө бардык үй-бүлө мүчөлөрү үчүн жигердүү эс алуунун мыкты түрүнө айланат.
«Капсула салуунун урматына «Жибек Жолу» Кубогуна көк бөрү турнирин өткөрүлүүдө, аны жыл сайын өткөрүү пландалууда. Бул мелдештердин башкы максаты көк бөрү оюнун жайылтуу жана улуттук ат оюндарынын түрлөрүн пропагандалоо болуп саналат», – деди Адилет Кубанычбеков.
Эскерте кетсек, учурда Бишкектин жанында «Silk Way» индустриалдык паркынын курулушу жүрүүдө. 70 гектар аянтта жайгашкан индустриалдык парк өз ара байланыштагы бир нече секторлорго бөлүнгөн. Бул жерде: өнөр жай тармагы – “А” классындагы заманбап кампалары бар 75 завод жайгашкан. Даяр буюмдары, фурнитуралары жана кездемелери бар кеңири складдык имараттары бар соода-экспозициялык сектору. Саатына 40 жүк ташуучу унаа өткөрө алган бажы-логистикалык борбор индустриалдык парктын резиденттерине экспортко товарларын ыкчам тариздөөгө мүмкүнчүлүк берет.
Долбоордун негиздөөчүсү – Евразия экономикалык бирлигинин өлкөлөрүнө кыргыз текстилдик жана тигүү продукцияларын экспорттоо боюнча лидер «Alpha Cargo» компаниясы болуп саналат.
КОММЕНТАРИЙ КАЛТЫРУУ