Бүгүн, 15-апрелде ЖКнын жыйынында депутат Дастан Бекешев педофилдерди химиялык кастрациялоо боюнча мыйзам долбоорун кайра кароону сунуштады.
Анын айтымында, 2013-жылы бешинчи чакырылыштын депутаттары мындай мыйзам долбоорун сунушташкан, бирок президент аны колдогон эмес.
Ал бүгүнкү күндө жаш балдарды зордуктоо фактылары катталып, мындай кылмыштар уланып жатканын белгиледи.
“9-апрелде Кара-Суу районунда Кашкар-Кыштак айыл аймагында ушундай окуя болгон экен. 7 жаштагы кызды 26 жаш курактагы бала зордуктаган. Эми биз дагы ушул мыйзам долбооруна кайрылышыбыз керек. Мына Казакстанды деле караса болот, алар мындай мыйзам долбоорун 2 жыл мурун кабыл алышкан”, – деди депутат.
КОММЕНТАРИЙ КАЛТЫРУУ