16-апрелде Ош мамлекеттик юридикалык институту «Кыргыз Республикасынын Конституциясы жана конституциялык реформалары» аттуу студенттер, магистранттар, аспиранттар менен ОПК биргелешкен эл аралык илимий-практикалык конференциясын уюштуруп өткөрдү.
Конференция өз максатына жетүү үчүн төмөнкү негизги багыттарда иш алып барды:
Эгемендүү жана көз карандысыз Кыргыз Республикасынын Конституциясы жана конституциялык реформалары (1993-2016-жж.).
Кыргыз Республикасынын жаңы Конституциясынын долбоорунун даярдалышы, кабыл алынышы жана анын өзгөчөлүктөрү (2020-21-жж.).
Гуманитардык жана так илимдердин көйгөйлүү маселелери.
Бүгүнкү конференцияга баардыгы болуп 77, а. и. 33 сырттан келген өкүлдөрдүн илимий докладдары катталган. Аталган иш чарага 100 ашык адам катышып, программага ылайык илимпоздор, изденүүчүлөр пленардык жана секциялык жыйындарда илимий баяндама жасашты. Конференцияга Кыргызстандын жогорку окуу жайларынан башка Өзбекстандын, Казахстандын, Түркмөнстандын жана Россиянын жогорку окуу жайларынан келген баяндамалар катталып, алардын авторлору маани-маңызы бай, олуттуу ойлор, омоктуу пикирлер, конструктивдүү сунуштары, өз табылгалары менен кызыктуу болгон илимий билдирүүлөрүн сунушташты.
Конференциядагы мыкты баяндамачылар катарында Шералиев А.Ш. (БатМУ), Ахмедова Н.П. (Б.Сыдыков атындагы КӨЭАУ), Абытов Б.К., Туратбекова А.Т., Абдипаттаев Т.М. (ОшМЮИ) ж.б. атоого болот.
Конференция өз максаттарына толук жетти. Конференциянын акырында катышуучулар тарабынан атайын резолюция кабыл алдынды.
Байболот Абытов, профессор.
КОММЕНТАРИЙ КАЛТЫРУУ