Бүгүн, 19-апрелде Бишкек шаарынын Биринчи май райондук сотунда Ички иштер министринин экс-орун басары Курсан Асановдун иши боюнча сот жараяны уланууда.
Отурумундун жүрүшүндө Ички иштер министринин экс-орун басары Алмазбек Орозалиев суралды.
Анын айтымында, 2019-жылы 7-августта саат 20:00дөн кийин ошол кездеги ИИМдин башчысы Кашкар Жунушалиев ага телефон чалып, Кой-Ташта Алмазбек Атамбаевдин үйүнүн жанында баш аламандык болуп жаткандыгын жана окуя болгон жерге барууга буйрук берген.
“Окуя болгон жерде иштеген милиция кызматкерлеринин экипировкасы жок болчу. Алар кийинчерээк гана атайын форма алышты”, – деди Орозалиев.
Ал сүйлөшүүлөргө Равшан Жээнбеков, депутат Асел Кодуранова жана башкалар келишкенин, сүйлөшүүлөрдү Курсан Асанов жүргүзгөнүн кошумчалады.
Ошондой эле, ал 8-августта Атамбаевдин үйүндөгү атайын операция саат 15:00дө башталганын, ал жакта миңдей адам болгонун, жолдор тосулуп, таштар ыргытылганын билдирди.
“Алгач Атамбаевдин кайда экенин билген эмеспиз. Кийинчерээк үйдүн үчүнчү кабатындагы терезе парда кыймылдаганын көргөндө, Атамбаев ошол жакта экенин билдик. Министр Жунушалиев үчүнчү кабатка сүйлөшүү үчүн барган. Сүйлөшүү эмне жөнүндө болгонун билбейм. Ички иштер министрлигинин башчысы чыкканда Атамбаевге чечим кабыл алуу үчүн 10 мүнөт убакыт бергенин айтты. Кечке жуук Кой-Таш айылына шаардан адамдар келе жатканы белгилүү болду. Андан кийин Курсан Асанов Атамбаев менен сүйлөшүүлөрдү жүргүзө баштады, эмне себептен экенин билбейм», – деп кошумчалады Орозалиев.
КОММЕНТАРИЙ КАЛТЫРУУ