Menu

Шайлообек Атазов, ЖК депутаты: “Ушундай болоорун билип, катуу эскерткемин “

Бөлүшүү:

– Шайлообек Карыбекович, 11-апрелде өткөн жергиликтүү шайлоолордун ызы чуусу али күнгө чейин басылбай жатат. Шайлоо чын эле ыпылас өттүбү?

– Шайлоо болуп көрбөгөндөй ыпылас өттү. Көрдүңүз, Бишкекте шайлоо күнү машине кармалып, багажы толтура акча чыкты. Ош шаарында болсо, кечээ туалеттерден бюллетендер чыгып атат. Күн мурунтан БШКга коомчулук айтып, какшап атты. Эч ким алдын алган жок.

– Депутаттар БШК өкүлдөрүн жыйынга чакырып, эскертсеңер болот беле?

– Жеке мен төрагадан суранып атып, сессияга чакырттым. Көп депутаттар мыйзамсыз аракеттер болуп жатат деп эскерттик. Мен атайын жарыш сөзгө чыгып, Оштогу мыйзамсыздыктарды да, айтып бердим. Керек болсо, шайлоо мезгилинде админресурс колдонгон айрым коллегаларымын да атын атадым.

– Ошто да Бишкектегидей шайлоо болдубу?

– Андан да ашып түштү. Мен сессияда айттым, “урматтуу БШК өкүлдөрү, Бишкек менен Ош шаарындагы мыйзамсыз көрүнүштөргө баа бербесеңер, шайлоодон кийин кыйын болот. Өлкөбүздөгү 3 – революция шайлоодон улам болбоду беле. Эмнеге эсиңерге келбейсиңер” дегемин. Көрүп атасыңар, кудум мен айткандай болуп жатат.

– Эми кандай чечим керек?

– Мына митинг, пикеттер шайлоодон бери уланууда. Бишкек шаардык кеңешке өткөн партияларды четтетип, алар нааразы болуп, кыскасы, хаос. Чечимди БШК алат. Менимче, жөн жай жайгарып коюу бираз оорураак окшоп калды.

Булак: KyrgyzToday.kg

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

1 + 6 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: