Menu

Гүлнара Каримовага кызы менен жолугушууга уруксат берилген жок

Бөлүшүү:

Өзбекстандын маркум президенти Ислам Каримовдун камактагы улуу кызы Гүлнара Каримова жатак абакка которула турганы жөнүндөгү маалыматтар чындыкка дал келбейт. Бул тууралуу Каримова жаза мөөнөтүн өтөп жаткан Ташкенттин четиндеги №21 аялдар абагынын жетекчиси Гульхаё Каримова билдирди.

Буга чейин аталган түрмөдөн чыккан аялдардын бири «Азаттыктын» өзбек кызматынын кабарчысы менен сүйлөшүп, Гүлнара Каримова №42 жатак абагына которулганы жатканын айткан. Анын маалыматына караганда, жатак абактын аймагында Каримова үчүн төрт бөлмөдөн турган атайын үй даярдалган. Ал Гүлнара Каримованын Лондондо жашаган кызы Иман Каримова дал ушул окуяга байланыштуу Ташкентке учуп келген болушу мүмкүн экенин айткан.

Ал ортодо бир нече күн мурда Ташкентке келген Иман Каримова Instagram баракчасына билдирүү жарыялап, абак жетекчилиги аны апасы менен жолуктуруудан баш тартканын, аны эки жылдан берки көрө элек экенин жазган.

14-апрелде Өзбекстандын акыйкатчысы баштаган мониторинг тобу менен бирге Ташкенттеги аялдар колониясына барып келген укук коргоочу Агзам Фармонов Гүлнара Каримованы абактын ооруканасынан көргөнүн билдирген.

49 жаштагы Каримова быйыл март айында түрмөдөн чыккан аялдардын бири аркылуу жакындарына кат берип жиберген. Кызы Иман Каримованын Telegram-каналына жарыяланган катта абакта ал кыйноого кабылып жатканы жазылган.

Гүлнара Каримовага Өзбекстанда «Опузалап мүлктү менчиктеп алуу», «Ыксыз сарптоо», «Кылмыш жолу менен табылган кирешелерди адалдоо» беренелери менен айыптар коюлган. Ал 2020-жылдын 18-мартында 13 жыл төрт айга эркинен ажыратылган.

 Булак: “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 5 + 2 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: