Лос-Анжелесте 26-апрелде Америкалык киноакадемиянын сыйлыктарын тапшыруу аземи өттү. Бул жолу эң маанилүү категориялар боюнча “Оскар” сыйлыгынан үчөөнү “Көчмөндөр жери” тасмасы алды.
Бул тасма “Мыкты фильм” аталды, “Мыкты режиссура үчүн” режиссеру Хлоя Чжао, “Аялдын ролун мыкты аткарганы үчүн” актриса Фрэнсис Макдорманд сыйланды.
Түбү кытайлык режиссер Хлоя Чжао мыкты режиссура үчүн “Оскар” алган экинчи аял, азиялык айымдардын арасынан биринчиси болду.
“Мыкты актер” деген номинацияда “Ата” тасмасында улгайган адамдын ролун аткарган Энтони Хопкинс жеңүүчү аталды.
Пандемиядан улам сыйлык тапшыруу аземи быйыл жарым-жартылай онлайн түрдө өттү. Мисалы, америкалыктар “Долби” театрында сыйланса, АКШга бара албагандар иш-чарага өз өлкөсүнөн видеобайланыш аркылуу катышты.
Chloé Zhao is first woman of color to win an #Oscar for Best Director, winning for @nomadlandfilm: “This is for anyone who has the faith and the courage to hold onto the goodness in themselves and to hold onto the goodness in each other.” https://t.co/5MWR9oTWsq #Oscars #NMDLND pic.twitter.com/kqubX4wkMC
— ABC News (@ABC) April 26, 2021
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ